संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! युनिट ३, गुन्हे शाखा, पुणे शहर !
दिनांक १८/०२/२०२६ रोजी गुन्हे शाखा युनिट ३ चे सहा. पोलीस निरीक्षक ज्ञानेश्वर ढवळे, सहा पोलीस उप-निरीक्षक पंढरीनाथ शिंदे व पोलीस अमंलदार असे आगामी शिवजंयती उत्सवाच्या अनुषंगाने वरिष्ठांच्या आदेशाने अवैध धंदे, मोक्का पाहिजे आरोपी व रेकॉर्डवरील गुन्हेगार, तडीपार चेक करुन कारवाई करणेकरीता सिंहगड रोड पोलीस स्टेशन व नांदेड सिटी पोलीस स्टेशन हद्दीत पेट्रोलिंग करीत असताना पोलीस अमंलदार किशोर शिंदे, पुरुषोत्तम गुन्ला व योगेश झेंडे यांना गोपनीय बातमीदारामार्फत मिळालेल्या बातमीप्रमाणे इसम नामे सागर दत्तात्रय सोनलकर वय २५ वर्ष रा. मुळ पत्ता प्रसाद पार्क समोर, डिएसके पायथा, धायरी, पुणे यांच्या ताब्यातुन ०३ गावठी पिस्टल व १२ जिवंत काडतुस अवैधरित्या बेकायदेशिर रित्या बाळगलेले असताना प्रयेजा सिटी, वडगाव बुगा, पुणे येथे मिळुन आल्याने त्यास सापळा रचुन शिताफिने ताब्यात घेवुन त्याच्याकडुन सदरची अग्निशस्त्रे हस्तगत करुन योग्य ती कायदेशिर कारवाई करुन पुढील कारवाईकरीता न- हे पोलीस स्टेशनच्या ताब्यात देण्यात आले आहे.
सदरची कारवाई ही मा. अपर पोलीस आयुक्त, गुन्हे शाखा पुणे शहर श्री.पंकज देशमुख, मा. पोलीस उप-आयुक्त, गुन्हे, पुणे शहर श्री. निखिल पिंगळे, मा. सहा. पोलीस आयुक्त, गुन्हे – १, पुणे शहर श्री.शंकर खटके यांचे मार्गदर्शनानुसार पोलीस निरीक्षक प्रशांत अन्नछत्रे युनिट ३ गुन्हे शाखा यांचे सुचनेप्रमाणे सहा.पोलीस निरीक्षक ज्ञानेश्वर ढवळे, सहा पोलीस उपनिरीक्षक पंढरीनाथ शिंदे, पोलीस अमंलदार मारुती पारधी, नितीन जगदाळे, कैलास लिम्हण, किशोर शिंदे, तुषार किंद्रे, पुरषोत्तम गुन्ला, योगेश झेंडे यांनी कामगिरी केलेली आहे.
मुख्य संपादक : – इमरान शेख
