संपादक फिरोज खाटीक :- 7249101660
* पुणे पोलीस टाईम्स ऑनलाईन पुणे शहर *
काळेपडळ पोलीस स्टेशन पुणे शहर
काळेपडळ पो.स्टे. गु. रजि.नं.२७०/२०२५, बी. एन. एस. कलम ३०५, ३३१ (४) प्रमाणे गुन्हा नोंद असून नमूद दाखल गुन्हयातील आरोपीत इसम याचा शोध घेणे कामी काळेपडळ पो.स्टे.कडील तपास पथकातील अंमलदार हे पो.स्टे. हद्दीत पेट्रोलिंग करीत असताना, पोलीस अंमलदार शाहिद शेख व अतुल पंधरकर यांना त्यांचे खास बातमीदारामार्फत बातमी मिळाली की, ” लावण्य हॉटेल पुढे नाल्याजवळ एक इसम त्याचेकडील दुचाकीवर संशयितरीत्या थांबलेला आहे.” सदरची बातमी मिळताच तपास पथकाचे अधिकारी व अंमलदार हे वरील बातमीच्या ठिकाणी गेले असता, एक इसम त्याचेकडील मोपेड दुचाकी गाडीसह संशयित रित्या थांबलेला दिसला. त्यास लागलीच स्टाफसह ताब्यात घेवुन त्याचे नाव-पत्ता विचारले असता त्याने त्याचे नाव अर्पित सुनिल अंधारे, वय- १९ वर्षे, रा. सी.२, फ्लॅट नं. ०२, कम्युनिटी हौसिंग सोसायटी, गंगाधाम चौकाजवळ, साईबाबामंदिराजवळ, कोंढवा बु. पुणे असे सांगितले. पंचांसमक्ष त्याचेकडील दुचाकी मोपेड गाडी क्रमांक एम.एच.१२/ व्हि.आर./५८०८ हिची डिक्कीची तपासणी केली असता, डिक्कीत विदेशी दारुच्या बाटल्या व कटर मिळुन आले. त्याचेकडे सदर दारुच्या बाटल्या व कटरबाबत चौकशी करता, त्याने सदर दारुच्या बाटल्या नॅशनल वाईन शॉप, बीबीसी चौक येथुन चोरी केले असल्याचे सांगितले. सदर आरोपीस दाखल गुन्ह्यात अटक करुन त्याचेकडुन महागड्या विदेशी दारुच्या बाटल्या, कटर मशिन व रोख रक्कम असा एकुण १,३०,०००/- रु. किंमतीचा मुद्देमाल जप्त करण्यात आला आहे.
सदरची कामगिरी ही श्री. राजकुमार शिंदे, पोलीस उप आयुक्त परिमंडळ ५, पुणे शहर यांचे मार्गदर्शनाखाली धन्यकुमार गोडसे, सहाय्यक पोलीस आयुक्त, वानवडी विभाग पुणे, मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, अमर काळंगे, पोलीस निरीक्षक (गुन्हे), यांचे सुचनेप्रमाणे अमित शेटे, सहाय्यक पोलीस निरीक्षक, पो. हवा. प्रविण काळभोर, दाऊद सय्यद, प्रतिक लाहिगुडे, पो.अं. श्रीकृष्ण खोकले, सद्दाम तांबोळी, महादेव शिंदे, अतुल पंधरकर, शाहीद शेख, विशाल ठोंबरे, लक्ष्मण काळे, नितीन ढोले व प्रदिप बेडीस्कर यांचे पथकाने करुन प्रशंसनीय कामगिरी केली आहे.
मुख्य संपादक : – इमरान शेख
