मुख्य संपादक इमरान शेख :- 9270161610
सहसंपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! अंमली पदार्थ विरोधी पथक-१गुन्हे शाखा,पुणे शहर !
‘ड्रग्ज फ्री’ पुणे यासाठी कसोशीने प्रयत्न करणेबाबत व त्यांचे समुळ उच्चाटन करणेबाबत मा. पोलीस आयुक्त श्री. अमितेश कुमार यांनी यापुर्वी आदेशीत करुन अंमली पदार्थाची विक्री व खरेदी करणा-यांवर कठोर कारवाई करण्याचे आदेश दिले आहेत.
दि.०८/०७/२०२६ रोजी रात्रीचे वेळी अंमली पदार्थ विरोधी पथक-१, गुन्हे शाखेचे पोलीस अधिकारी व पोलीस अंमलदार रात्रगस्त फिरत असताना, पहाटे ०४/४९ वा.चे. सुमा. कात्रज चौकातील आय. सी.आय. सी.आय. बैंके समोरील नवीन उड्डाण पुलाखाली, सावंत कॉर्नर, कात्रज, ४ बस स्टॉप जवळ, कात्रज, पुणे येथुन येथे इसम नामे प्रशांत सुरेश सावंत, वय ३८ वर्ष, रा.स.नं.१०, गणेशनगर, गणेश मंदिरा जवळ, येरवडा, पुणे व सध्या रा.लेन नं.६, खेसेपार्क लोहगाव रोड, आलायम बिल्डींग, पुणे यास प्रवासी बॅगसह ताब्यात घेण्यात आले. त्याची संशयावरुन झडती घेता त्याचे कब्जात ५,७९,००,०००/- चा ०२ किलो ८९५ ग्रॅम वजनाचा मेफेड्रॉन (एम.डी.) हा अंमली पदार्थ व.१०.२५०/- रु.कि.चे इतर सामान मिळुन आल्याने त्याचे विरुध्द अंमली पदार्थ विरोधी पथक गुन्हे शाखा पुणे शहर कडील पोलीस अंमलदार अतुल क्षिरसागर यांनी सरकारतर्फे दिलेल्या फिर्यादी वरुन भारती विद्यापीठ पोलीस स्टेशन येथे गु.र.नं ३६८/२०२६ एन.डी.पी.एस. अॅक्ट कलम ८ (क), २१ (क) अन्वये गुन्हा दाखल करण्यात आला असुन पुढील तपास अंमली पदार्थ विरोधी पथक-१ गुन्हे शाखा पुणे शहर कडील पोलीस उपनिरीक्षक योगेश कोतकर हे करीत आहेत.
वरील नमुद कारवाई ही मा.पोलीस आयुक्त श्री. अमितेश कुमार, मा. सह पोलीस आयुक्त श्री. संजय दराडे, मा.अपर पोलीस आयुक्त गुन्हे, श्रीमती तेजस्वी सातपुते, मा. पोलीस उप आयुक्त गुन्हे, श्री गौहर हसन, मा. सहा पो आयुक्त, गुन्हे ३ श्री. शंकर खटके यांचे मार्गदर्शना खाली अंमली पदार्थविरोधी पथक, १ गुन्हे शाखा पुणे शहर कडील वरिष्ठ पोलीस निरीक्षक श्रीमती तृप्ती सोनवणे, सहा. पो.निरी. अनिल सुरवसे, पो.उप.निरी. योगेश कोतकर, पोलीस अंमलदार विठ्ठल साळुंखे, संजय राजे, विजय कांबळे, निशिकांत सावंत, तुषार साळुंके, अतुल क्षिरसागर, मंगेश गुंड, अमोल सरडे, विशाल भिलारे, सचिन लोहार, आशा भिंगारे यांचे पथकाने केली.
मुख्य संपादक : – इमरान शेख
