संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
युनिट ५, गुन्हे शाखा, पुणे शहर
दि.१०/१२/२०२५ रोजी पोलीस निरीक्षक छगन कापसे, अति कार्यभार गुन्हे शाखा युनिट ०५ पुणे शहर व पोलीस अंमलदार यांना मुंढवा पोलीस स्टेशनच्या हद्दीमधील गायरान वस्ती, केशवनगर मुंढवा, पुणे येथे चिंचेच्या झाडाजवळील आरोपीचे राहते घराचे अंगणात अवैधरित्या गांजा विक्री चालु आहे अशी गोपनीय बातमीदारामार्फत बातमी मिळाली. सदर बातमी मिळताच तात्काळ पोलीस निरीक्षक छगन कापसे व पोलीस अंमलदार असे सदर ठिकाणी जावुन छापा टाकला असता सदर ठिकाणी १८,४४०/- रु. कि. चा ९२२ ग्रॅम वजनाचा निव्वळ गांजा हा अंमली पदार्थ, १०,०००/- रु. किं.चा मोबाईल व ६,३००/-रु रोख रक्कम असा एकुण ३४,७४०/- रु. कि.चा मुद्देमाल जप्त केला तसेच महिला आरोपी नामे निकीता राकेश गारुंगे, वय २९ वर्ष, रा. गायरान वस्ती, केशवनगर, मुंढवा, पुणे हिचेवर मुंढवा पोलीस स्टेशन येथे गुन्हा दाखल करुन सदर आरोपीस पुढील कार्यवाहीकामी मुंढवा पोलीस स्टेशनच्या ताब्यात देण्यात आलेले आहे.
सदरची कामगिरी मा. अपर पोलीस आयुक्त (गुन्हे), पुणे शहर, श्री. पंकज देशमुख, मा. पोलीस उप-आयुक्त, (गुन्हे), पुणे शहर, श्री निखिल पिंगळे, मा. सहायक पोलीस आयुक्त गुन्हे २, पुणे शहर, श्री. राजेंद्र मुळीक यांचे मार्गदर्शनाखाली पोलीस निरीक्षक, युनिट ५ गुन्हे शाखा, पुणे शहर श्री. छगन कापसे, यांचे सुचनेप्रमाणे पोलीस उप-निरीक्षक अभिजीत पवार, पोलीस अंमलदार प्रताप गायकवाड, विनोद शिवले, अमर चव्हाण, स्वाती तुपे, अकबर शेख, परमेश्वर कदम, आडसुळ तसेच अंमली पदार्थ विरोधी पथक ०२ कडील पोलीस अंमलदार राजस शेख यांचे पथकाने केली.
मुख्य संपादक : – इमरान शेख
