संपादक फिरोज खाटीक :- 7249101660
* पोलीस टाईम्स ऑनलाईन पुणे शहर *
सहकारनगर पोलीस स्टेशन पुणे शहर
दि.२३/०७/२०२५ रोजी फिर्यादी रा. केशव काँम्प्लेक्स चिंतामणी गणेश मंदीराजवळ धनकवडी, पुणे यांची मारुती सियाज कार तसेच सार्वजनीक रोडवर नागरीकांनी पार्क केलेल्या इतर गाडयांच्या काचा अनोळखी इसमांनी लाकडी बांबु, दगडान फोडुन मोठ मोठयाने ओरडत आम्ही धनकवडीचे भाई आहोत, आमचे नादाला कोणी लागायचे नाही, आम्हास कोणी नडला तर त्यास सोडणार नाही असे ओरडुन नागरीकांमध्ये दहशत केली त्या बाबत अनोळखी इसमाविरूध्द सहकारनगर पोलीस स्टेशन गु.र.नं. ३००/२०२५ भा.न्या.सं. २०२३ चे कलम ३२४(१)(२), ३२४(४), ३५१ (२) (३) क्रिमीनल लाँ अमँटमेंट कलम ७ प्रमाणे गुन्हा दाखल करण्यात आला होता.
दि.२४/०७/२०२५ रोजी सहकारनगर पोलीस स्टेशनचे वरिष्ठ पोलीस निरीक्षक श्री. विठ्ठल पवार यांचे मार्गदर्शनाखाली सहकारनगर पोलीस स्टेशन कडील तपास पथकातील पोलीस अधिकारी सपोनि सागर पाटील व पोलीस अंमलदार असे सदर गुन्हयाचा तपास करीत असताना पोलीस अंमलदार अमोल पवार यांना बातमीदाराकडुन बातमी मिळाली की, सदरचा गुन्हा करणारा इसम हा सहकारनगर पोलीस स्टेशन कडील रेकॉर्ड वरील आरोपी नामे रोहीत आढाव याने त्याचे इतर साथीदार यांचे सह केला असुन तो त्याच्या मित्रास भेटण्यास नवले ब्रिज येथे येणार आहे. सदरची बातमी वरिष्ठांना कळवुन लागलीच स्टाफसह बातमीचे ठिकाणी जावुन थांबलो असता काही वेळातच बातमीतील वर्णनाचा इसम त्याचे साथीदारासह दुचाकी वरुन येवुन नवले ब्रिज जवळ गप्पा मारत थांबलेले दिसले. बातमी प्रमाणे खात्री होताच त्यांना स्टाफच्या मदतीने चारही बाजुंनी घेरुन पकडुन ताब्यात घेवुन त्यांची नावे पत्ता विचारता त्याने त्याचे नाव १) रोहीत कैलास आढाव वय २१ वर्षे रा. मु.पो. किरकट वाडी ता.हवेली जि. पुणे २) सुधिर बाप्पु सावंत वय १९ वर्ष रा गोरावी वस्ती नांदेड फाटा ता.हवेली जि. पुणे असे असल्याचे सांगीतले. त्याचेकडे गुन्हयाचे अनुषंगाने तपास करता त्यानी सदरचा गुन्हा त्यांचे इतर तिन अल्पवयीन साथीदारांसह केल्याचे सांगितल्याने त्यांना त्यांचे राहते घरातुन ताब्यात घेवुन सर्व आरोपींन कडे तपास केला असता सदर गुन्हयाची कबुली दिल्याने सहकारनगर पोलीस स्टेशन गु.र.नं. ३०० / २०२५ भा.न्या.सं.२०२३ चे कलम ३२४(१)(२), ३२४ (४), ३५१ (२) (३) क्रिमीनल लाँ अमँटमेंट कलम ७ हा गुन्हा उघडकीस आला असुन सदर आरोपी कडुन गुन्हयात वापरलेली ३०,०००/- रूपये किंमतीची एक दुचाकी गाडी जप्त करण्यात आली आहे.
सदरची कामगीरी मा. अपर पोलीस आयुक्त पश्चिम प्रादेशीक विभाग श्री. राजेश बनसोडे, मा पोलीस उपायुक्त परिमंडळ – २, श्री मिलींद मोहीते,मा. सहा. पोलीस आयुक्त, स्वारगेट विभाग श्री. राहुल आवारे, वरिष्ठ पोलीस निरीक्षक श्री. विठ्ठल पवार पोलीस निरीक्षक (गुन्हे) सुरेखा चव्हाण यांचे मार्गदर्शनाखाली सहकारनगर पोलीस स्टेशन तपास पथकाचे सहा पोलीस निरीक्षक सागर पाटील, सहा.पोउपनिरी बापु खुटवड, पोलीस अंमलदार अमोल पवार, किरण कांबळे, प्रदिप रेणुसे, अमित पदमाळे, महेश भगत, आकाश किर्तीकर, मारोती नलवाड, बजरंग पवार, सागर सुतकर, योगेश ढोले, खंडु शिंदे, यांनी केली आहे.
मुख्य संपादक : – इमरान शेख
