संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
दिनांक २५/१२/२०२५ रोजी, ख्रिसमस सणाचे निमित्ताने पुणे कॅम्प भागातील महात्मा गांधी रोडवर नागरीकांची मोठया प्रमाणावर गर्दी होते. त्यामुळे रस्त्यावर होणारी वाहतूक कोंडी टाळणेकरीता वाहतुक सुरक्षीत व सुरळीतपणे चालने इष्ट आहे, त्याअर्थी महाराष्ट्र शासन गृह विभाग क्र.एम.व्ही.ए.०१९६/८७१/सीआर- ३७/टिआरए-२,दिनांक-२७/०९/१९९६ चे नोटीफीकेशन नुसार मोटार वाहन कायदा कलम ११५,११६ (१) (ए) (बी), ११६ (४) आणि ११७ अन्वये मला प्राप्त झालेल्या अधिकाराचा वापर करुन मी, हिंमत जाधव, पोलीस उप आयुक्त, वाहतुक शाखा पुणे शहर, लष्कर वाहतूक विभागाचे हद्दीतील वाहतूकीसंदर्भात तात्पुरत्या स्वरुपात खालीलप्रमाणे आदेश निर्गमीत करीत आहे.
लष्कर वाहतुक विभाग पुणे अंतर्गत
दिनांक- २४/१२/२०२५ व दि. २५/१२/२०२५ रोजी सायंकाळी १९.०० वा. पासून ते गर्दी संपेपर्यंत वाहतूकीमध्ये आवश्यकतेनुसार तात्पुरत्या स्वरुपात खालील प्रमाणे बदल करण्यात येत आहे.
१. वाय जंक्शन वरुन एम. जी. रोडकडे येणारी वाहतुक ही १५ ऑगस्ट चौक येथे बंद करुन ती कुरेशी मशिद व सुजाता मस्तानी चौकाकडे वळविण्यात येणार आहे.
२. इस्कॉन मंदिर चौकाकडून डॉ. बाबासाहेब आंबेडकर पुतळा, अरोरा टॉवरकडे जाणारी वाहतुक ही बंद करुन सदरची वाहतूक एसबीआय हाऊस चौक उजवीकडे वळून तिनतोफा चौक सरळ लष्कर पोस्टे अशी वळविण्यात येणार आहे.
३. व्होल्गा चौकातून महमंद रफी चौकाकडे जाणारी वाहतुक बंद करण्यात येणार असून सदरची वाहतुक सरळ ईस्ट स्ट्रीट रोडने इंदिरा गांधी चौकाकडे सोडण्यात येईल.
४. इंदिरा गांधी चौकातून महावीर चौकाकडे जाणारी वाहतुक बंद करण्यात येणार असून सदरची वाहतुक इंदिरा गांधी चौकातुन लष्कर पोलीस स्टेशन चौकाकडे वळविण्यात येईल.
५. सरबतवाला चौकाकडून महावीर चौकाकडे जाणारी वाहतुक बंद करण्यात येणार असून सदरची वाहतुक ताबुत स्ट्रीट रोड मार्गे पुढे सोडण्यात येईल..
मुख्य संपादक : – इमरान शेख
