संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! बंडगार्डन पोलीस स्टेशन पुणे शहर !
पुणे : पुणे रेल्वे स्टेशन परिसरातून अहमदाबाद येथील चव्हाण जतीन रमेशभाई (वय ३०) यांची लॅपटॉप व मोबाईलसह बॅग चोरीला गेल्याची माहिती मिळाल्यानंतर बंडगार्डन पोलिसांनी तात्काळ कारवाई करून चोरीचा गुन्हा उघडकीस आणला आहे.
तक्रारीच्या अनुषंगाने पोलिसांनी तांत्रिक विश्लेषण करत सीसीटीव्ही फुटेजची पाहणी केली. त्यानुसार वानवडी परिसरातून एका अज्ञात इसमास ताब्यात घेण्यात आले. त्याच्याकडून तक्रारदारांचा अंदाजे २ लाख रुपये किमतीचे ॲपल कंपनीचे दोन लॅपटॉप, ५० हजार रुपये किमतीचा ॲपल मोबाईल आणि २५ हजार रुपये किमतीचा सॅमसंग मोबाईल असा एकूण सुमारे २ लाख ७५ हजार रुपयांचा मुद्देमाल हस्तगत करण्यात आला.
जप्त केलेला सर्व ऐवज तक्रारदाराच्या ताब्यात देण्यात आला असून तक्रारदारांनी बंडगार्डन पोलीस स्टेशनचे आभार मानले आहेत.
ही कारवाई पोलीस शिपाई बाळासाहेब भांगरे (बॅ.क्र. ९७१५) व पोलीस शिपाई तुकाराम हिवाळे (बॅ.क्र. ३४८) यांनी केली.
मुख्य संपादक : – इमरान शेख
