संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
अंमली पदार्थ विरोधी पथक २ गुन्हे शाखा, पुणे शहर
दिनांक ०४/१२/२०२५ रोजी मा. वरिष्ठाचे आदेशाने अंमली पदार्थ विरोधी पथक २ कडील पोलीस निरीक्षक सुदर्शन गायकवाड, सहा. पो. निरी. नितीनकुमार नाईक पो उपनिरीक्षक अस्मिता लाड व पोलीस स्टाफ असे अंमली पदार्थ विरोधी मोहीम राबवित असताना, लोणीकाळभोर पो.स्टे. हद्दीत कांबळे वस्ती, थेऊर फाटा, ता. हवेली, जि. पुणे येथे सुमित गुप्ता यांच्या गोडावुन वर छापा कारवाई करुन बनावट आर. एम. डी गुटख्याची सुंगधीत तंबाखु व विमल गुटखा पान मसाला तसेच गोडावुनचे बाजुस शेतामध्ये बनावट गुटखा तंबाखु तयार करण्यासाठी लागणारे कच्चामाल त्यामध्ये बनावट सुपारी, सुंगधीत तंबाखु, थंडक, केमिकल, गुलाबपाणी प्रिन्टेड पाऊच बॉक्स व पोती असा एकुण १,००,००,०००/- (एक कोटी रु.) रु. कि.चा माल मिळुन आला तसेच बनावट वाहतुक करण्याकरीता मॉडिफाय करण्यात आलेली चारचाकी वाहन १ गोल्डन रंगाची इनोव्हा कार नं एम.एच.४४ बी २०२३ २ गोल्डन रंगाची इनोव्हा कार ने एम.एच.१२ डी.एम.०८८५ ३. काळ्या रंगाची टाटा नेक्सोन एम.एच.१२ क्यु.टी.८४३२ अशा तीन चारचाकी ५०,००,०००/- रु. कि.ची. वाहने मिळुन आली आहे. तसेच १,३०,०००/- रु. रोख रक्कम मिळुन आली. बनावट गुटखा तयार करणा-या कंपनीचे मालक रोहीत दुर्गादास गुप्ता, वय २५ वर्षे, रा. काळुबाई मंदिराजवळ पत्र वस्ती, थेऊर, पुणे व कामगार १) रामप्रसाद ऊर्फ बापु वसंता प्रजापती, वय ५० वर्षे, रा. थेऊर गाव, पुणे. २) अप्पु सुशिल सोनार, वय ४६ वर्षे, रा. कांबळे वस्ती, थेऊर फाटा, पुणे. मुळगाव उत्तरप्रदेश ३) दानिश मुसाकिन खान, वय १८ वर्षे, रा. सदर यांना ताब्यात घेण्यात आले आहे.
बनावट गुटखा व बनावट सुगंधीत तंबाखु तयार करणारे कंपनीचे मालक व कामगार यांच्या विरुध्द लोणीकाळभोर पो.स्टे येथे भा. न्या. सं.क. १२३, २२३, २७४, २७५ अन्न सुरक्षा मानके अधि.क. २००६ चे २६ (२) चे उल्लघंन केल्याने ५९ अन्वये गुन्हा दाखल करण्यात आला आहे.
सदरची कारवाई ही मा. पोलीस आयुक्त, पुणे शहर, श्री. अमितेश कुमार, मा. सह. पोलीस आयुक्त श्री. रंजनकुमार शर्मा, मा. अपर पोलीस आयुक्त श्री. पंकज देशमुख, मा. पोलीस उप-आयुक्त (गुन्हे). श्री. निखील पिंगळे, मा. सहा. पो. आयुक्त गुन्हे २ श्री. राजेंद्र मुळीक यांचे मार्गदर्शनाखाली अंमली पदार्थ विरोधी पथक -२ गुन्हे शाखा, पुणे शहर कडील मा. पोलीस निरीक्षक श्री.सुदर्शन गायकवाड, सहा. पो. निरीक्षक नितीनकुमार नाईक, पोलीस उप-निरीक्षक अस्मिता लाड, पोलीस अंमलदार राजस शेख, संदिप जाधव, पृथ्वीराज पांडुळे, दत्तात्रय खरपुडे, संदिप देवकाते, गणेश गोसावी, देविदास पांढरे, शुंभागी म्हाळसेकर व दिनेश बास्टेवाड यांनी केली.
मुख्य संपादक : – इमरान शेख
