संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! सहकारनगर पोलीस रटेशन पुणे शहर !
पुणे शहरातील वाढत्या गुन्हेगारी कृत्यांना आळा बसविण्याकरिता मा. अमितेश कुमार, पोलीस आयुक्त, पुणे शहर यांनी कडक पावले उचलली असून त्यासाठी पुणे शहरातील सराईत गुन्हेगारावर प्रभावी कारवाई करण्याचे आदेश पुणे शहरातील सर्व वरिष्ठ पोलीस निरीक्षक यांना दिलेले होते.
त्याप्रमाणे सहकारनगर पोलीस स्टेशन पुणे चा गुन्हे अभिलेखावरील सराईत व अटट्ल गुन्हेगार नामे साहिल गणेश वायदंडे, वय २५ वर्षे, रा. बिक्कड दवाखान्याजवळ, तळजाई माता वसाहत, पद्मावती, पुणे याचे विरुद्ध सहकारनगर पोलीस स्टेशन येथे सन २०२२ सालापासुन आजपर्यंत गुन्हेगारी कारवायांमध्ये सक्रिय आहे. त्याचेविरुध्द मालमत्तेविरुध्द व शरिराविरुध्दचे गंभीर स्वरुपाचे गुन्हे दाखल असुन त्यामध्ये घातक हत्यारे जवळ बाळगुन मनाई आदेशाचा भंग करुन दहशत निर्माण करणे, दुखापत करणे, घातक हत्यारे जवळ बाळगुन जबर दुखापत करणे, घातक हत्यारे जवळ बाळगुन तोडफोड करणे यासारखे एकुण ०५ गंभीर स्वरुपाच्या गुन्हयांचा समावेश आहे.
सराईत गुंड साहिल गणेश वायदंडे, वय २५ वर्षे, रा. बिक्कड दवाखान्याजवळ, तळजाई माता वसाहत, तो पद्मावती, पुणे याचेविरुध्द वेळोवेळी प्रतिबंधक कारवाई करुनही त्याचे वागणुकीत काहीएक फरक पडलेला नव्हता. अत्यंत क्रुर, खुनशी व भांडखोर असुन तो लोकांमध्ये काहीना काही कुरापती काढुन मारहाण करुन गंभीर स्वरुपाचे गुन्हे करीत आहे. तेथील सर्वसामान्य, शांतताप्रिय नागरीकांना विनाकारण त्रास देवुन आपला गुन्हेगारी हेतु साध्य करीत आहे. तसेच बेकायदेशीर घातक शस्त्र जवळ बाळगून लोंकामध्ये दहशत निर्माण केली आहे. त्याचे दहशतीमुळे व भितीपोटी त्याचेविरुध्द तक्रार देण्यास कोणीही पुढे येत नव्हते. त्याचे अशा कृत्यामुळे सर्वसामान्य नागरीकांचे मनात भिती निर्माण होवुन त्यांचे जिवीतास व मालमत्तेस धोका निर्माण झाला होता. म्हणुन वरिष्ठ पोलीस निरीक्षक, सहकारनगर पोलीस स्टेशन, पुणे शहर यांनी त्यास स्थानबदध करणे बाबतचा प्रस्ताव सर्व्हेलन्स पथकातील पोलीस अंमलदार विनायक एडके, गोरख ढगे व हरिश्चंद्र चोरमले यांचेव्दारे तयार करुन मा. पोलीस आयुक्त सो, पुणे शहर यांना सादर केला होता. सदर प्रस्तावाचे अवलोकन करून मा. पोलीस आयुक्त सो पुणे शहर यांनी जा.क्र/गुन्हे/पीसीबी / स्थानबद्ध/सहकारनगर/वायदंडे /६५३/२०२५, दि.१२/०८/२०२५ रोजी वर्धा मध्यवर्ती कारागृह, वर्धा येथे स्थानबदध करण्याचे आदेश दिले.
मा. पोलीस आयुक्त सो, पुणे शहर यांजकडुन स्थानबद्ध आरोपीचा वर्धा या ठिकाणी आदेश दि १२/०८/२०२५ रोजी झाले पासुन सदर आरोपी मिळुन येत नव्हता. सदर आरोपीची सहकारनगर पोलीस स्टेशनकडील पोलीस अंमलदार अमोल पवार, यांना सदरचा आरोपी साहिल वायदंडे हा स्वारगेट येथे मित्रास भेटण्यास येणार असल्याची माहीती मिळाल्याने सदरची बातमी श्री. विठ्ठल पवार, वरिष्ठ पोलीस निरीक्षक सो., यांना कळविले त्यांनी सदर आरोपीस ताब्यात घेण्याचे तोंडी आदेश दिल्याने सदर आरोपीस स्वारगेट भागातुन ताब्यात घेवुन दि.०८/०९/२०२५ रोजी स्थानबद्ध आदेशाची बजावणी करुन वर्धा मध्यवर्ती कारागृह, वर्धा येथे रवानगी करण्यात आली आहे.
सराईत गुन्हेगारा कडून अशा प्रकारे कोणताही अनुचीत प्रकार घडु नये या अनुषंगाने पोलीसांकडुन समाजकंटक व अटट्ल गुन्हेगार यांचे हालचालीवर बारकाईने लक्ष ठेवण्यात आले असुन त्याचेविरुध्द अश्या प्रकारच्या कठोर कारवाई करण्याचे संकेत पोलीसांनी दिले आहेत.
सदर कारवाई श्री. राजेश बनसोडे, अपर पोलीस आयुक्त, पश्चिम विभाग, पुणे शहर, मा. मिलिंद मोहिते पोलीस उप आयुक्त, परि-२ पुणे श्री राहुल आवारे, सहाय्यक पोलीस आयुक्त, स्वारगेट विभाग यांचे मार्गदर्शनाखाली श्री. विठ्ठल पवार,वरिष्ठ पोलीस निरीक्षक, सहकारनगर पोलीस स्टेशन पुणे, सुरेखा चव्हाण, पोलीस निरीक्षक (गुन्हे). यांचे मार्गदर्शनाखाली सहकारनगर पोलीस स्टेशन तपास पथकाचे पोलीस उप निरीक्षक सद्दामहुसेन फकीर, फिरोज शेख, सहा. पोउपनिरी बापु खुटवड, पोलीस अंमलदार अमोल पवार, विनायक एडके, गोरख ढगे, हरिश्चंद्र चोरमले, मारोती नलवाड, किरण कांबळे, सागर सुतकर, अमित पदमाळे, महेश भगत यांनी केली आहे.
अनी
मुख्य संपादक : – इमरान शेख
