संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! वानवडी पोलीस स्टेशन, पुणे शहर !
दि.०४/०३/२०२६ रोजी वानवडी पोलीस स्टेशनकडील तपास पथक अवैध धंद्यांवर कारवाई करणेकामी हद्दीत पेट्रोलिंग करीत असताना पोलीस अंमलदार दया शेगर व विठ्ठल चोरमले यांना गुप्त बातमी मिळाली की, “ढोबरवाडी येथे सुरेश पुजारी याचे घरी एका पांढ-या रंगाच्या स्विप्ट कार नं. एम. एच. १२/एच.एल. – ७३७७ यामधुन यवत वरुन दोन इसम अवैध हातभट्टीचे तयार दारुचे कॅन्ड घेऊन आलेले असुन ते त्यांचे ओळखीच्या लोकांना चोरुन दारुची विक्री करीत आहे.” वरिष्ठांचे आदेशान्वये बातमीप्रमाणे ढोबरवाडी, घोरपडी, येथे जावून संशयित वाहनासह ताब्यात घेतले असता त्यामध्ये तीन इसम मिळून आले, त्यांची नावे १) राहुल सुखदेव राखपसरे, वय- ३२ वर्षे, धंदा- दारुविक्री, रा. तळेरान वाडी, केसनंद, पुणे व २) अभिषेक गोरख पवार, वय- २३ वर्षे, धंदा- मजुरी, रा. तळेरानवाडी, केसनंद, पुणे व ३) सुरेश हनुमंत पुजारी, वय – ५६ वर्षे, रा. स.नं. ६६, ढोबरवाडी, पत्र्याचे शेडच्याबाजुला, घोरपडी, पुणे अशी आहेत.
दारु विक्री सदर करणा-या इसमांकडे चौकशी करता राहुल सुखदेव राखपसरे याने सांगितले की, “सुरेश पुजारी यांनी मला फोन करुन गावठी दारुचे कॅन्डची मागणी केल्याने मी प्रधुल गुडदावत, रा. गाडमोडी, यवत, पुणे यांचेकडुन तयार हातभट्टीची गावठी दारुचे कॅन्ड घेऊन माझेकडील कारमध्ये टाकुन येथे आणले आहे. नमुद इसमाच्या ताब्यातील चारचाकी गाडीची तपासणी करता त्यामध्ये काळया, निळया रंगाचे प्लास्टीकचे ३५ लिटर क्षमतेचे दारुने भरलेले एकुण १३ हत्तीकॅन्ड असे एकुण ४५५ लिटर गावठी हातभट्टीची तयार दारु व त्याची वाहतुक करणेकामी वापरलेली एक पांढऱ्या रंगाची मारुती सुझुकी कंपनीची स्वीप्ट व्ही. डी. आय. मॉडेलची कार असा एकुण २,९५,०००/- रु.कि.चा मुद्देमाल जप्त करण्यात आला आहे. यावरुन वानवडी पोलीस स्टेशन येथे गु.र.नं. ७६/२०२६ प्रमाणे गुन्हा दाखल करण्यात आला असुन अधिक तपास पोलीस उप निरीक्षक अल्फाज शेख हेकरीत आहे.
सदरची कारवाई ही मा. पोलीस उप-आयुक्त, परिमंडळ ०५ पुणे शहर श्रीमती राजलक्ष्मी शिवणकर, मा. सहा. पोलीस आयुक्त, वानवडी विभाग, श्रीमती नम्रता देसाई यांचे मार्गदर्शनाखाली वरिष्ठ पोलीस निरीक्षक वानवडी पोलीस स्टेशनकडील श्री. भाऊसाहेब पाटील, व पोलीस निरीक्षक (गुन्हे) श्रीमती संगीता जाधव यांचे सुचनांप्रमाणे तपास पथकाचे सहा. पोलीस निरीक्षक, उमाकांत महाडीक व पोलीस उपनिरीक्षक अल्फाज शेख, पोलीस अंमलदार दया शेगर, महेश गाढवे, अमोल पिलाणे, अतुल गायकवाड, आशिष कांबळे, अमोल गायकवाड, गोपाळ मदने, विष्णु सुतार, अभिजीत चव्हाण, बालाजी वाघमारे, विठ्ठल चोरमले व अर्षद सय्यद, यांनी केली आहे.
मुख्य संपादक : – इमरान शेख
