संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! चतुःश्रृंगी पोलीस स्टेशन, पुणे शहर !
दिनांक २७/०४/२०२६ रोजी चतुःश्रृंगी पोलीस स्टेशनकडील तपास पथक मधील पोलीस अधिकारी व अंमलदार असे मिळुन चतुःश्रृंगी पोलीस स्टेशन हददीत गुन्हे प्रतिबंधात्मक पेट्रोलिंग करीत असताना पथकातील पोलीस अंमलदार यांना त्यांचे गोपनीय बातमीदारामार्फत माहिती मिळाली की, गोखलेनगर पुणे या ठिकाणी अवैधरित्या बेकायदेशिरपणे, विनापरवाना, प्रतिबंधित तंबाखुजन्य गुटखा पदार्थाचा साठा करुन त्याची विक्री करत आहेत. बातमीच्या अनुषंगाने लागलीच तपास पथक मधील पोलीस अधिकारी व अंमलदार यांनी सदर ठिकाणी जावुन मिळालेल्या बातमीची खात्री केली असता यातील आरोपी नामे अमर नंदु पन्हाळकर, वय ३७वर्ष, रा.१०१ जनवाडी जनता वसाहत, मारुती मंदिराजवळ, पुणे याने स्वतःचे फायद्याकरीता अनाधिकाराने, बेकायदेशिररित्या मनाई असताना प्रतिबंधीत तंबाखुजन्य पदार्थाचे सेवनाने मानवी जिवीताचे आरोग्याच्या दृष्टीने घातक असून त्याने विकार होवुन शारीरीक हानी होते हे त्यास माहीती असताना देखील तंबाखुजन्य गुटखा हा पदार्थ स्वतःचे ताब्यात विक्री करीता जवळ बाळगला असताना मिळुन आला आहे. त्याचे ताब्यातून १३,५१,१५०/- रु.किं.चा पानमसाला व तंबाखुजन्य गुटखा पदार्थाचा मुददेमाल व ६,००,०००/- रु.कि.चा टेम्पो, असा एकुण १९,५१,१५०/-रु.किं. चा मुददेमाल जप्त करण्यात आला आहे. सदरबाबत चतुःश्रृंगी पोलीस स्टेशन गु.र.नं. १७९/२०२६ भा.न्या.सं.क.१२३, २२३,२७४, २७५ अन्न सुरक्षा मानके अधिनियम कलम-२००६, चे कलम २६ (२), २६ (२) (अ), २७ (३) (ब),३० (२),५९,३७ प्रमाणे गुन्हा दाखल करण्यात आलेला आहे. तसेच दाखल गुन्हयाचा पुढील तपास हा अनिकेत पोटे, सहायक पोलीस निरीक्षक, चतुःश्रृंगी पोलीस स्टेशन, पुणे शहर हे करीत आहेत. सदर आरोपीला सदर गुन्हयात अटक करण्यात आलेली आहे.
सदरची कामगिरी मा. अपर पोलीस आयुक्त पुर्व प्रादेशिक विभाग, पुणे शहर, श्री. मनोज पाटील, मा. पोलीस उप-आयुक्त, परि-४, पुणे शहर, श्री. चिलुमुला रजनीकांत, मा. सहायक पोलीस आयुक्त, खडकी विभाग, श्री. विठ्ठल दबडे यांचे मार्गदर्शनाखाली चतुःश्रृंगी पोलीस स्टेशनचे वरिष्ठ पोलीस निरीक्षक श्री. उत्तम भजनावळे, पोलीस निरीक्षक (गुन्हे) आश्विनी ननावरे यांचे सुचनांप्रमाणे सहा पोलीस निरीक्षक अनिकेत पोटे, पोलीस अंमलदार इरफान मोमीन, बाबुलाल तांदळे, श्रीकांत वाघवले व शिर्के यांनी केली आहे.
मुख्य संपादक : – इमरान शेख
