निवृत्त विंग कमांडर यांच्या घरातील चोरीचा गुन्हा २४ तासांत उघडकीस, महिला अटकेत; वानवडी पोलिसांची धडक कारवाई.

पुणे : वानवडी पोलिसांनी अवघ्या २४ तासांत हवाई दलातील निवृत्त विंग कमांडर यांच्या घरात झालेली चोरी उघडकीस आणत आरोपी महिलेला अटक केली आहे. आरोपी महिलेच्या ताब्यातून तब्बल ५ लाख ८७ हजार रुपयांचे हिरेजडीत सोन्याचे दागिने जप्त करण्यात आले आहेत. सुधा राजेश चौगुले (वय ३५, रा. बोराटे वस्ती, बी. टी. कवडे रोड, घोरपडी गाव) असे अटक करण्यात आलेल्या महिलेचे नाव आहे. याबाबत ७८ वर्षीय निवृत्त विंग कमांडर, रा. सोपानबाग, घोरपडी यांनी वानवडी पोलीस ठाण्यात फिर्याद दिली होती. पोलिसांनी दिलेल्या माहितीनुसार, फिर्यादींच्या घरी सुधा चौगुले ही घरकामासाठी येत असे. २७ ऑगस्ट रोजी त्यांच्या कपाटातील ५ लाख ८७ हजार रुपयांचे सोन्याचे दागिने चोरीला गेल्याचे लक्षात आले. याबाबत त्यांनी तात्काळ पोलिसांकडे तक्रार नोंदवली. घरात दोन महिला घरकाम करीत असल्याने पोलिसांनी तपासाची दिशा त्यांच्याकडे वळवली. चौकशीत सुधा चौगुले हिच्यावर संशय आला. त्याचदरम्यान पोलिसांना गोपनीय माहिती मिळाली की, बी. टी. कवडे रोड परिसरातील एका सोनाराकडे संशयित महिला दागिने गहाण ठेवण्यासाठी आली आहे. पोलिसांनी तातडीने कारवाई करत तिला ताब्यात घेतले. सुरुवातीला तिने टाळाटाळ केली, मात्र चौकशीत गुन्ह्याची कबुली दिली. तिच्या मार्गदर्शनानुसार पोलिसांनी चोरीस गेलेले दागिने हस्तगत केले. त्यानंतर तिला अटक करून पुढील तपास सुरू आहे. ही