संपादक फिरोज खाटीक :- 7249101660
* पुणे पोलीस टाईम्स ऑनलाईन पुणे *
पिंपरी चिंचवड पोलीस आयुक्तालयांतर्गत वाहन चालक मद्य प्राशन करुन वाहने वेगात तसेच वाहतुकीच्या नियमांकडे दूर्लक्ष करुन धोकादायकरित्या चालवित असलेने वाहन चालकांचे वाहनावरील नियंत्रण सुटून अपघात होत असतात. मद्य प्राशन करून वाहन चालविणारे वाहनचालक स्वतःचे तसेच इतरांचे जिवीतास व मालमत्तेस धोका निर्माण करत असतात. वाहनचालकांना वेळीच प्रतिबंध करणे गरजेचे असल्याने पिंपरी चिंचवड वाहतूक शाखेमार्फत दारु पिवून वाहन चालविणारे वाहन चालकांविरोधात मा. मोटार वाहन न्यायालय, शिवाजीनगर, पुणे या न्यायालयात गुन्हा दाखल करण्यात येत असतो.
आज रोजी १. पिंपरी वाहतुक विभाग गु.र.नं ३७०५/२०२४ मोटार वाहन कायदा कलम १८१, १८४/१८५ मधील आरोपीत नामे दत्तात्रय आतिश टिपरे वय – २६ रा. साने चौक, चिखली पुणे तसेच २. पिंपरी वाहतुक विभाग गु.र.नं ३७०९/२०२४ २०२४ मोटार वाहन कायदा कलम १८१, १८४ / १८५ मधील आरोपीत नामे- राजकुमार गरजुप्रसाद भारती वय – ४५ वर्षे रा. गणेश मंदिर, नेहरू नगर, पिंपरी पुणे यांना मा. मोटार वाहन न्यायालयाने आज रोजी दोषी ठरवून सदर गुन्ह्याखाली अ. क्र १ यास २००००/- रुपये द्रव्यदंड व ४ दिवसांची साधी कैद तसेच अ.क्र २ यास २०००० /- रुपये द्रव्यदंड व ३ दिवसांची साधी कैद अशी शिक्षा ठोठावलेली आहे.
सदर केसकामी कोर्ट पैरवी म्हणून श्रेपोउनि. वसंत हिले, मसपोफौ. बहिरट, पोहवा.१५७९ बोडके, मपोहवा.८७० नरके, मपोहवा. २५६ कोंडे यांनी काम पाहिले आहे.
तरी स्वत:च्या व इतरांच्या जीवाच्या सुरक्षेकरिता तसेच न्यायालयीन कार्यवाही टाळण्यासाठी वाहनचालकांनी मद्यप्राशन तसेच इतर कोणत्याही स्वरुपाच्या मादक पदार्थाचे सेवन करुन वाहने चालवू नयेत असे आवाहन पिंपरी चिंचवड वाहतुक शाखेमार्फत सर्व नागरिकांना करण्यात येत आहे.
मुख्य संपादक : – इमरान शेख
