संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! लोणी काळभोर पोलीस स्टेशन पुणे शहर !
दिनांक १२/०२/२०२६ रोजी फिर्यादी यांनी लोणीकाळभोर पोलीस स्टेशन येथे फिर्याद दिली की, त्यांचे घरास कुलूप लावून बाहेर गेले असताना कोणीतरी अनोळखी इसमाने घराचा दरवाजा तोडून आत प्रवेश करुन एकुण २,९०,०००/- रू.चे सोन्या- चांदीचे दागिणे चोरी करुन नेलेबाबत लोणीकाळभोर पोलीस ठाणे गुन्हा रजि. नं. ६४/२०२६, भारतीय न्याय संहीता कलम ३०५ (अ), ३३१(३),३३१(४) प्रमाणे गुन्हा नोंद करण्यात आलेला आहे.
दाखल गुन्हयाचे तपासादरम्यान तपास अधिकारी अनिल जाधव व तपास पथकास गोपनिय बातमीदारामार्फत खात्रीशिर बातमी प्राप्त झाल्याने अवघ्या ०२ तासांत संशयीत आरोपीस शिताफीने ताब्यात घेऊन त्यांचेकडे दाखल गुन्हयाचे अनुषंगाने तपास केला असता त्याने गुन्हा केल्याचे तपासात निष्पन्न झाले. नमुद आरोपीचे नाव आदित्य अरुण गरड, वय १९ वर्षे, रा. फ्लॅट नं. ३०५, शुभयोग रेसिडन्सी, कदमवाकवस्ती, ता. हवेली, जि. पुणे असे असून आरोपींकडुन लोणी काळभोर पोलीसांनी सोन्याचे व चांदीचे दागिणे असा एकुण ४,२५,०००/- रुपये किंमतीचा मुद्देमाल जप्त करुन गुन्हा उघडकीस आणला आहे.
सदरची कामगिरी मा.पोलीस उप आयुक्त, परिमंडळ ०६,डॉ.राजकुमार शिंदे, मा.सहा.पोलीस आयुक्त लोणीकाळभोर विभाग श्रीमती अनुराधा उदमले यांचे मार्गदर्शनाखाली पोलीस निरीक्षक (गुन्हे) श्रीमती स्मिता पाटील, लोणी काळभोर पोलीस स्टेशन, पोलीस उप-निरीक्षक श्री. अनिल जाधव, पोलीस अंमलदार सागर जगदाळे, रामहरी वणवे, संभाजी देवीकर, अण्णा माने, प्रविण दडस, सुरज कुंभार, प्रशांत सुतार, सचिन सोनवणे, राहुल कर्डीले, अशोक गिरीया पथकाने केली.
मुख्य संपादक : – इमरान शेख
