संपादक फिरोज खाटीक :- 7249101660
* पुणे पोलीस टाईम्स ऑनलाईन पुणे शहर *
युनिट ६ गुन्हे शाखा पुणे शहर
दि.१३/०७/२०२५ रोजी मांजरी, खुर्द येथील कॅनरा बँक शाखेचे बाहेरील शटरचे लॉक तोडून आत मध्ये प्रवेश करून बँकेतील रोख रक्कम असलेली तिजोरी फोडण्याचा प्रयत्न अज्ञात इसमांकडून करण्यात आला होता. सदर बाबत वाघोली पोस्टे येथे गु.र.नं. ३३५/२०२५ भा.न्या. सं. कलम ३३१(४),६२, ३ (५) अन्वये गुन्हा नोंद करण्यात आला होता.
सदर गुन्ह्याचे गांभीर्य लक्षात घेऊन युनिट ६ कडील स.पो.नि. मदन कांबळे, स. पो. नि. राकेश कदम व पोलीस अंमलदार असे प्राप्त सी. सी. टी. व्ही. फुटेज वरून आरोपीचा शोध घेत असताना पोलीस अंमलदार प्रशांत कापुरे आणि बाळासाहेब तनपुरे यांनी नमूद आरोपी हा अभिलेखावरील विधीसंघर्षित बालक असल्याचे निष्पन्न केले. तेव्हा पासून नमूद विधीसंघर्षित बालकाचा युनिट ६ कडून सातत्याने शोध घेण्यात येत होता.
दिनांक १५/०७/२०२५ रोजी युनिट ६ कडील स.पो.नि. राकेश कदम, पोलीस अंमलदार नितिन मुंढे, निर्णय लांडे, बाळासाहेब तनपुरे, सचिन पवार, ऋषीकेश व्यवहारे असे विधीसंघर्षित बालकाचा शोध घेत असताना पोलीस अंमलदार नितिन मुंढे यांना नमूद विधीसंघर्षित बालक हा स्मशान भूमी, मांजरी, खुर्द, पुणे येथे येणार असल्याची गोपनीय माहिती प्राप्त झाली होती. सदर बातमीच्या अनुषंगाने सपोनि राकेश कदम व वर नमूद पोलीस अंमलदार यांनी सापळा रचून ताब्यात घेतले आहे. नमूद विधीसंघर्षित बालकाकडे कौशल्यपूर्ण तपास केला असता त्याने सदरचा गुन्हा हा त्याचे दोन साथिदार यांचेसह केल्याचे सांगितले आहे. नमूद विधीसंघर्षित बालकाकडून घरफोडी करण्याकरता वापरलेले साहित्य एक लोखंडी कटावणी, मोठी लोखंडी कैची, लोखंडी कानस, मार्बल कटर मशीन इ. साहित्य हस्तगत करण्यात आले आहे.
सदरची कामगीरी मा. अप्पर पोलीस आयुक्त, गुन्हे, पुणे शहर श्री. पंकज देशमुख, मा. पोलीस उप-आयुक्त,गुन्हे,पुणे शहर श्री. निखिल पिंगळे, मा. सहा. पोलीस आयुक्त (गुन्हे २), पुणे श्री.राजेंद्र मुळीक, पोलीस निरीक्षक युनिट ६, गुन्हे शाखा, पुणे शहर श्री. वाहीद पठाण यांचे मार्गदर्शनाखाली गुन्हे शाखा, युनिट ६ कडील सपोनि राकेश कदम, सपोनि मदन कांबळे, पोलीस अंमलदार बाळासाहेब सकटे, नितीन मुंढे, सारंग दळे, कानिफनाथ कारखेले, प्रशांत कापुरे, गिरीष नाणेकर, सुहास तांबेकर, ऋषीकेश ताकवणे, सचिन पवार, ऋषीकेश व्यवहारे, शेखर काटे, नितिन धाडगे, बाळासाहेब तनपुरे, नेहा तापकीर, प्रतिक्षा पानसरे, कीर्ती मांदळे, सोनाली नरवडे यांनी केली आहे.
मुख्य संपादक : – इमरान शेख
