संपादक फिरोज खाटीक :- 7249101660
* पुणे पोलीस टाईम्स ऑनलाईन पुणे शहर *
सायबर पोलीस स्टेशन, पुणे शहर येथे दाखल असलेला गुरनं ४५/२०२५ भारतीय न्याय संहिता कलम ३१९(२), ३१८ (४),३१६ (५) सह माहिती तंत्रज्ञान अधिनियम ६६ (ड) या गुन्हयातील फिर्यादी यांना “TRASHOONYA” या कंपनीचे मार्फतीने ऑनलाईन शेअर ट्रेडिंग केल्यास त्यांना मोठया प्रमाणात फायदा होईल असे आमिष सदर कंपनीचे एजंट नामे दिव्यांशी अग्रवाल, अशोक रेड्डी यांनी दाखवून सदर गुन्हयातील आरोपीतांनी रेग्यूलर कॉल व्दारे तसेच वॉट्सअप चॅटव्दारे संपर्क साधून त्यांना त्यांचे व्हॉटसअॅप मेसेज द्वारे दिलेल्या लिंक वर क्लिक करून त्यांचे “TRASHOONYA” या नावाचे अॅप त्यांचे मोबाईल मध्ये डाऊनलोड करावयास लावून विविध कंपन्यांचे शेअर्स व आयपीओ खरेदी करण्याचे बहाण्याने फिर्यादी यांची एकूण ६०,२०,०००/- रू.ची फसवणूक केली म्हणून दिनांक १९/०४/२०२५ रोजी सदरचा गुन्हा दाखल करण्यात आला आहे.
सदर गुन्हयाचे तपासात फिर्यादी यांच्या एकूण फसवणूकीच्या रक्कमेपैकी १४,३०,०००/- रू.रक्कम ही ए यू स्मॉल फायनान्स बँकेच्या खात्यावर ट्रान्सफर झाली होती. सदरचे खाते हे आदियोगी स्क्रॅप अँड वेस्ट मॅनेजमेन्ट एलएलपी, शिवणे पुणे येथील असल्याने सदर कंपनीचा डायरेक्टर नामे अनिकेत प्रशांत भाडळे वय २७ वर्षे रा. शिवाजीनगर गावठाण, पुणे यास ताब्यात घेवून त्यास सदर गुन्हयात दि. २२/०६/२०२५ रोजी अटक करण्यात आली. त्याचेकडे तपासा दरम्यान त्याचे सदरचे बँक खाते सिंहगड रोड येथील ऑफीस मधून आकाश हा वापरत असल्याची माहिती प्राप्त झाली. त्यानंतर सदर गुन्ह्याचा सखोल तपास करीत असताना काही नेपाळी इसम नन्हे येथे हॉटेल मध्ये राहत असल्याची माहिती मिळाली. त्याप्रमाणे पोलीस पथकाने त्यांच्याकडे गुन्ह्यासंदर्भात तपास केला असता त्यांची नावे १) नोरबु शेर्पा, वय २८ वर्षे, रा. गांव टॅप्टींग, जिल्हा सोलुंखुबू, नेपाळ २) अंग नुरी शेर्पा, वय २१ वर्षे, रा. जिल्हा ओखलडुंगा, गांव खिजीदेम्बा,नेपाळ. तसेच ३) सागर मच्छिंद्र गायकवाड वय २६ वर्षे रा. गणेशमळा सिंहगडरोड, पुणे ४) शिवतेज अशोकराव गुंजकर वय ३३ वर्षे रा. जांभुळवाडी आंबेगाव, पुणे. सदर इसमांचा गुन्हयातील सहभाग निष्पन्न झाल्याने त्यांना अटक करण्यात आली. सदर गुन्हयामध्ये आत्ता पर्यत १० मोबाईल फोन, १० पेन ड्राईव्ह, ०१ बँकेचे स्वाईप मशिन, ०४ लॅपटॉप, ५३ विविध बँकांचे डेबीट कार्ड, १७४ विविध कंपन्यांचे सिमकार्ड, ५५ विविध बँकांचे चेकबूक, ०१ सीपीयू, ३९ विविध कंपन्यांचे शिक्के, ०२ राऊटर, २७ विविध बँकांचे मोकळे चेक, ०४ हार्ड डिस्क, ०७ सीडी/डीव्हीडी, २७ नग क्यूआर कोड व ०१ डीव्हीआर असे साहित्य जप्त
सदरची कारवाई ही मा. पोलीस आयुक्त, पुणे शहर श्री. अमितेश कुमार, मा. पोलीस सह आयुक्त, पुणे शहर श्री. रंजनकुमार शर्मा, मा. अपर पोलीस आयुक्त, गुन्हे, पुणे शहर श्री. पंकज देशमुख, मा. पोलीस उप-आयुक्त, आर्थिक व सायबर गुन्हे, पुणे शहर श्री. विवेक मासाळ, मा. सहाय्यक पोलीस आयुक्त, आर्थिक व सायबर गुन्हे, श्री. मच्छींद्र खाडे, वरिष्ठ पोलीस निरीक्षक, सायबर पोलीस स्टेशन, पुणे शहर श्रीमती स्वप्नाली शिंदे, यांचे मार्गदर्शनाखाली सायबर पोलीस स्टेशन, पुणे शहर, तपासी अधिकारी पोलीस निरीक्षक श्रीमती संगिता देवकाते, सपोफौ. संदेश कर्णे, पोलीस अंमलदार प्रविणसिंग राजपूत, राजूदास चव्हाण, अमर बनसोडे, जान्हवी भडेकर, प्रशांत बो-हाडे, बाळासो चव्हाण, नवनाथ कोंढे, सचिन शिंदे, अनिकेत भिंगारे, आदनान शेख, श्रीकृष्ण नागटिळक, अमोल कदम, संदिप पवार, सतीशकुमार मांढरे, संदिप मुंढे, संदिप यादव, कौशल्या भांगिरे, निलम नाईकरे यांचे पथकाने केली आहे.
मुख्य संपादक : – इमरान शेख
