संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
! न-हे पोलीस स्टेशन, पुणे शहर !
दि.०६/०४/२०२६ रोजी पोलीस उपनिरीक्षक किरण लिटे, पोलीस अंमलदार भोरडे, चव्हाण, चव्हाण, असे न-हे पोलीस स्टेशनचे हद्दीत अवैधधंदे वर कारवाई करणेकामी तसेच आरोपी चेक करीत असताना पोलीस अंमलदार निलेश भोरडे व सुनील चव्हाण यांना त्यांचे बातमीदाराकडुन बातमी मिळाली की, अभिरुची मॉलचे बाजुला, व्दारका लॉज येथील रुम नं. २०५ मधील इसमांकडे पिस्टल आहे अशी खात्रीशिर बातमी मिळाल्याने सदरची बातमी पोलीस उप-निरीक्षक किरण लिटे यांना कळविली असता त्यांनी सदरची बातमी वरिष्ठ पोलीस निरीक्षक न-हे पोलीस स्टेशन पुणे यांना कळविली असता मा. वरिष्ठांनी सदर बातमीची खात्री करुन योग्य ती कायदेशिर कारवाई करण्याचे आदेशित केल्याने पोलीस उपनिरीक्षक, किरण लिटे व स्टाप असे सर्व लॉजचे दुस-या मजल्यावर जाऊन रुम नं. २०५ ची बेल वाजवली असता आतुन दरवाजा उघडल्याने आत मध्ये दोन इसम असल्याने त्यांचे नाव पत्ता विचारले असता त्यांनी त्यांची नावे १. साहिल सतिश मेहेर वय-३१ वर्षे, रा.व्दारका लॉज, रुमनं. २०५ मुळ रा. नानाचौक, तपोवन रोड, सावेडी, अहिल्यानगर २. शुभम सचिन अजेटराव वय-२१ वर्षे, संतोष नगर, लेननं. ०३, कात्रज पुणे असल्याचे सांगितले असता पोलीस स्टाफ असे सदर इसमांच्या बेंगाची झडती घेतली असता काळया बॅग मधील प्लॅस्टीकचे कॅरीबॅग मध्ये एक लोखंडी पिस्टल व ०४ जिवंत राऊंड (काडतुस) व दोन मोबाईल फोन मिळून आले असुन सदर इसमांवरती गुन्हा रजि.नं ०६/२०२६ आर्म अॅक्ट कलम ३.२५ महा.पो.अधि.३७,१,३ सह १३५ अन्वये गुन्हयाचा पुढील तपास पोलीस उपनिरीक्षक रविंद्र डोईफोडे न-हे पोलीस स्टेशन पुणे हे करीत आहेत.
सदरची कामगिरी, मा. अप्पर पोलीस आयुक्त, पश्चिम प्रादेशिक विभाग पुणे श्री. राजेश बनसोडे, मा. पोलीस उप-आयुक्त परीमंडळ-३, पुणे शहर श्री. संभाजी कदम मा. सहा पोलीस आयुक्त, सिंहगड रोड विभाग पुणे शहर श्री. अजय परमार वरिष्ठ पोलीस निरीक्षक श्री. आसाराम शेटे यांचे मार्गदर्शनाखाली पोलीस उप निरीक्षक, किरण लिटे, पोलीस अंमलदार प्रणील मेस्त्री, निलेश भोरडे, देवा चव्हाण, सुनील चव्हाण, कार्तिक कोंडे यांचे पथकाने केली.
मुख्य संपादक : – इमरान शेख
