संपादक फिरोज खाटीक :- 9284524906
* पुणे पोलीस टाईम्स ऑनलाईन पुणे शहर *
दिनांक ०९.०२.२०२६ रोजी दुपारी ११.०० ते १४.०० या कालावधी मध्ये पोलीस मुख्यालय, शिवाजीनगर येथे विशेष समपदेशन व जनजागृती कार्यक्रमाचे आयोजन करण्यात आले. सदर कार्यक्रम मा. श्री रंजन कु
मार शर्मा, पोलीस सह आयुक्त, पुणे शहर, मा.श्री. मनोज पाटील, अपर पोलीस आयुक्त, पूर्व प्रादेशिक विभाग, पुणे शहर यांच्या मार्गदर्शनाखाली पार पडला.
या कार्यक्रमामध्ये मोटार वाहन कायद्याअंतर्गत सन २०२५ मध्ये ड्रंक अॅन्ड ड्राईव्ह कारवाई करण्यात आलेल्या आरोपी वाहनचालक यांना समक्ष बोलवून समुपदेशन करण्यात आले. वाहनचालकांमध्ये वाहतूक नियमांचे पालन करणे, सुरक्षित वाहन चालविणे व सामाजिक जबाबदारीची जाणीव निर्माण करणे हा या कार्यक्रमाचा मुख्य उद्देश होता.
कार्यक्रमादरम्यान रस्ता सुरक्षा अभियान विषयावर सोशल मिडीया, पीटीपी ॲपचे सादरीकरण करण्यात आले. तसेच दारू पिऊन वाहन चालवण्याचे गंभीर परिणाम, अपघातांमुळे होणारी जीवितहानी, कायदेशीर तरतुदी व शिक्षा याबाबत उपस्थितांना सविस्तर मार्गदर्शन करण्यात आले.
दारू पिऊन वाहन चालवणे हा केवळ कायद्याचा भंग नसून, समाजासाठी घातक असल्याचे स्पष्ट करण्यात आले तसेच सुरक्षित व जबाबदारीने वाहन चालविणे याबाबत आवाहन करण्यात आले.
सदर कार्यक्रमास सुमारे ५५० – ६०० आरोपी वाहनचालक उपस्थित होते. उपस्थितांनी समुपदेशनाचा लाभ घेतला. तसेच यापुढे अशा प्रकारची चुक न करण्याची व वाहतूक नियमांचे पालन करण्याची पोलीसांना हमी दिली.
पुणे शहर वाहतूक पोलीस विभागामार्फत भविष्यातही अशा प्रकारचे जनजागृती व समुपदेशन कार्यक्रम राबविण्यात येणार असल्याचे यावेळी सांगण्यात आले.
तसेच सर्व वाहतूक विभागांना सुचित करण्यात आले की, यापुढे ही ड्रंक अॅन्ड ड्राईव्ह बाबत विशेष अभियान राबवून, या पेक्षा जास्त कठोर कारवाई करण्यात यावी.
मुख्य संपादक : – इमरान शेख
