मुख्य संपादक इमरान शेख :- 9270161610
* पुणे पोलीस टाईम्स ऑनलाईन पुणे शहर *
पिसोळीतील गोडाऊनला लागलेली आग आटोक्यात; अग्निशमन दलाच्या तत्परतेमुळे मोठा अनर्थ टळला!
पुणे शहरातील पिसोळी परिसरात प्रकाश किचन इंटेरियरच्या गोडाऊनला आग लागल्याची घटना ८ ऑक्टोबर २०२६ रोजी सकाळी ६ वाजून ५१ मिनिटांनी घडली. घटनेची माहिती मिळताच पुणे महानगरपालिका अग्निशमन दलाचे अधिकारी आणि जवान तातडीने घटनास्थळी दाखल झाले.
गोडाऊनमध्ये मोठ्या प्रमाणात लाकडी प्लाय, एस बेंडिंग रोल, कटिंग मशीन आणि ड्रिलिंग मशीन यांसारखे साहित्य होते. अग्निशमन दलाच्या जवानांनी आवश्यक उपकरणांचा वापर करून आग आटोक्यात आणली. तसेच, गोडाऊनमधील साहित्य वाचवण्यात यश मिळवले. जवानांच्या प्रसंगावधानामुळे संभाव्य मोठा अनर्थ टळला.
या बचावकार्यात फायरमन दवणे, खरिवले, थळकर, यादव, कोंढावळे, आर. शेख, मोहिते, यो, पिसाळ आणि सरगर, तसेच मदतनीस गित्ते आणि कसबे, आणि वाहनचालक हिवरकर व नाईक यांनी सहभाग घेतला.
पुणे महानगरपालिका अग्निशमन दलाच्या तत्पर प्रतिसादामुळे परिस्थिती नियंत्रणात आणण्यात यश आले.
मुख्य संपादक : – इमरान शेख
